Еліміз 30 жыл ішінде адам танымастай өзгерді. Халық табысы, өмір сүру деңгейі, бала туу көрсеткіші де өсті. Сонымен қатар, шығын да еселенді.
Тәуелсіздіктің алғашқы он жылында азық-түлік себеті шамамен 91 есеге қымбаттаған. 1993 жылы азық-түлік қоржыны 73 теңге 28 тиын болған. Ал бүгінде дәл осы өнімдер 11 508 теңге.
Сандарды сөйлетіп көрсек. Теңге енді айналымға енгенде бірінші сұрыпты ұнның келісі 53 тиын болса, бүгінде – 163 теңге. Ал күріштің құны қазір 366 теңге. Күнбағыс майының баға айырмасы – 755, сары майдың айырмасы – 2827 ге тең. Одан өзге, теңге айналымға енген жылы картоп 2, сәбіз 3 теңге болса, бүгінде картоп 138, сәбіздің құны 150 ге жетті. Одан өзге, қант құны да бірнеше есе өсті. Баға айырмасы 286-ға тең болды. Ал тұз бүгінде бөлшек саудада 54 теңгеге сатылуда.
