Жыл басынан бері 55 тұрмыстық баллонның жарылу жағдайы тіркелген. Оның 36-ы аталған құрылғыны пайдаланудағы ақауға байланысты. Ел баллондарды автогаз құю бекетінде толтырудың заңсыз екеніне қарамастан, жақын маңдағы жанармай құю бекетіне ағылуын тоқтатар емес. Аталған статистиканы жоюға энергетика министрі де дабыл қақты. Бекітілген ережені елемегендерді қандай жаза күтіп тұр? Тақырыпты Нұрлан Сұлтанбек тарқатады.
Газбен жабдықтау объектілерін тексеру барысында 1000-нан астам заңбұзушылық анықталған. Бұл республика бойынша анықталған жайт. Мәселен, осы жылы тұрмыстық баллондардың жарылуы және газдан улану бойынша 55 жағдай тіркелген.
Мереке Пішембаев, ҚР Төтенше жағдайлар вице-министрі:
«Бүгінде тұрмыстық баллонын автогаз құю бекетінде толтыру өзекті мәселе болып отыр. Айта кету керек, жанармай құю бекетінің операторы маман емес. Ол газ баллонының техникалық жарамдылығын тексермейді. Сондай-ақ, газ баллонды толтыру нормасын сақтай бермейді. Мұның бәрі, сайып келгенде, тұрмыстық газ баллонының қауіпсіздігі мәселесін елемеуді білдіреді».
Аталған мәселенің алдын алуға облыстық өнеркәсіптік қауіпсіздік комитеті түсіндірме жұмыстарын жүргізді.
Газ құю бекеті нормаға сай көпшілік шоғырланатын ғимараттардан 60 метр қашықтықта орналасуы тиіс дейді мамандар. Тіпті жол жиегіне де жақын орналаспау керек.
Ерғали Мырзахметов, өнеркәсіптік қауіпсіздік комитетінің бөлім басшысы:
«Бұл ара-қашықтықтар сақтамаған жағдайда оқыс оқиғаларға алып келетінін назапрларыңызға саламыз. Және де айтып өтетін қазіргі кезде тұрмыстық балондар толтыру осындай бекеттерде көп болып кетті. Осыны болдырмау мақсатында халықтың есіне салатынымыз яғни мұндай бекеттерде газ балонын толтыру мүлдем болмайды. Газ балондарын толтыру арнайы газ толтыру пунктерінде жүзеге асу керек. Яғни ол жерде бұл балондар тексеріледі. Арнайы сынақтардан өтеді. Содан кейіен барып пайдалануға беріледі».
Автогаз жанармай құю бекетінде газ баллонды толтырғаны үшін айыппұл бар. Алайда, бүгінде аталған қызмет түріне қатысты уәкілетті органға шағым мен өтініш түскен жоқ. Егер сіз автогаз бекетінде тұрмыстық газ баллонын толтыру оқиғасына куә болсаңыз, онда заңбұзушылық туралы жауаптыларға хабарласаңыз болады.
