16 мамыр, яғни бүгін басталуы тиіс болған жеңілдетілген автонесие бағдарламасы іске қосылмай жатып былығы шықты. Жұмыс уақытысы басталысымен автосалонды жағалаған көпшіліктің еңсесі су сепкендей басылған. Өйткені, халық алғысы келетін отандық темір тұлпарлар көлік сату орындардында жоқтың қасы. Табыла қойғанның өзінде банк өкіліне барса, әлі бізге ақша аударылмады деп кейін қайтаратын көрінеді. Мәселенің ақ-қарасын әріптесім анықтап көрді.
Нұр-Сұлтандағы автосалондардың алдында дүрбүлең. 16 мамырда жеңілдетілген пайызбен автонесие беру басталады деп жиналған адамдардың қарасы қалың. Алайда, оларды көлік сату орталықтарының мамандары отандық темір тұлпар қазір жоқтың қасы деп қайтарыпты. Ал, банк өкілдері ақша әлі аударылмағанын айтқан.
Атылмыш жағдайға қатысты Қазақстандық автобизнес қауымдастығының вице-президенті Анар Мақашева халықты дүрлікпеуге шақырды. Ережеге сәйкес әркім өз уақытысы келгенде машинасын алады дейді ол.
Анар Мақашева — Қазақстан автобизнес қауымдастығының вице-президенті:
«Қазір бүкіл Қазақстан бойынша бағдарламаға сәйкес, автокөлікті таңдауға және брондауға келген азаматтар бар. Жалғыз нәрсе бағдарламаға қатысатын барлық банктер өтінімдерді қабылдауға дайын екендігін жарияланған кезді күту керек. Автокөліктерге тапсырыс берген барлық азаматтармен байланыстамыз. Азаматтарға кезек тәртібіне сәйкес көлікті алуға болатыны хабарланады. Кезекте алаяқтық болмайды. Әрбір автосалон алдын ала сатып алу-сату шарты бойынша немесе автосалонда брондаған азаматтардың тізімі және қандай жиынтықтамасы бар соған қарайды».
Ал, Экономист Мақсат Халық аталған бағдарламаға түбегейлі қарсы. Дегенмен оң тұсы бар екенін сарапшы жоққа шығармады. Бастысы автонесиені алған күннің өзінде жасалынатын келісімшартқа тереңірек үңілу қажет дейді
Мақсат Халық- экономист:
«Әрине бұл процесске қарсы екенімді айтқым келеді. Себебі, 4 пайызбен несие беру қазіргі таңда өте нарықтық бағада төмен бағада беріледі. Және де базалық мөлшерлеме 14 пайыз. 4 пайызбен несие беретін болса, арғы жағындағы 10-20 пайыздың барлығы мемлекет есебінен, бюджет есебінен берілетін болады деген сөз.Демек екінші деңгейлі банктерді тағы да мемлекет қолдайды. Бұдан кейін 4 пайыздық несие беру мәселесіне де көңіл аудару керек. Ол 4 пайыз деп айтылғанымен ертең келсімішарттың ішінде әртүрлі пунктер болуы мүмкін. Соларға тереңінен қараған дұрыс .Себебі 5 жыл бұрын нақты осы автонесиленудің өзінде түрлі несиеге қызмет жасаған үшін коммисия дейтін артық коммисия жинақтап алған болатын банк»
Ал, Шымкенттегі көлік саудалайтын орталықтарда ажиотаж байқалмайды.Себебі автосалондарда бұл несие шартына сәйкес келетін көліктер жоқ. Банктер де өтінім қабылдауды әлі бастамапты
Айта кетейік, биыл жеңілдетілген автонесие бағдарламасымен 15 мың қазақстандық жаңа көлік алады делінген. Жобаны бес екінші деңгейлі банк жүзеге асырады. Әзірге өтінім қабылдап жатқаны БАНКЦЕНТР кредит қана.
