Бүгін жерлесіміз, ұзақ жылдар аудан әкімінің орынбасары қызметін атқарған Әліпов Бақтыбай Қиянбекұлы аудандық кітапханаға арнайы соғып, ауданымыздың 60 жылдығына орай аудан әкімінің бастамасымен өтіп жатқан
«60 жылдыққа – 60 кітап» акциясын қолдайтынын айтып, аудандық кітапхана қорына өз атынан 100 дана кітап сыйға тартты.
Өз кезегінде ардагер мемлекеттік қызмет жолындағы жүріп өткен жолдарына шолу жасап, ауданның әл-ауқатының артып, дамып келе жатқандығын атап өтті.
Іс-шарада болған аудан әкімінің орынбасары Бейсенбай Төребеков пен кітапхана қызметкерлері кітапхана қорына кітаптар тарту еткен Бақтыбай Қиянбекұлына алғыс айтып, ыстық лебіздерін білдірді.
Шардара ауданы әкімінің баспасөз қызметі.
