Республикалық «Таза Қазақстан» экологиялық акциясы аясында Шардара ауданында табиғатты қорғау және жағажай аумақтарында тазалық сақтау шаралары жүйелі түрде жүзеге асырылуда.
Аудан әкімі Арман Қарсыбаевтың тапсырмасына сәйкес, аудан аумағындағы жағажайлар мен демалыс аймақтарын мобильді топ аралап, экологиялық заңнама талаптары мен тазалық сақтау ережелерінің сақталуына мониторинг жүргізді.
Мақсат – қауіпсіздік пен мәдениеттілік
Мобильді топтың басты мақсаты — көпшілік шоғырланатын орындарда экологиялық мәдениетті қалыптастыру, қоғамдық орындарда тәртіп сақтау, және су айдындарындағы қауіпсіздікті қамтамасыз ету.
Іс-шара барысында демалыс аймақтарында қызмет көрсетуші кәсіпкерлерге:
-
санитарлық нормаларды сақтау,
-
қалдықтарды арнайы орындарға тастау,
-
жағажай аумағын таза ұстау бойынша нақты түсіндіру жұмыстары жүргізілді.
Мобильді топ құрамында:
-
Аудан әкімінің орынбасары Еркебұлан Каратунов,
-
Жергілікті атқарушы орган өкілдері,
-
Аудандық полиция бөлімінің қызметкерлері,
-
Табиғатты қорғау саласының мамандары,
-
Белсенді еріктілер мен қоғам өкілдері бар.
Шаралар жүйелі түрде жалғасады
Аталған рейдтік іс-шаралар жаз маусымы бойы тұрақты түрде өткізіліп отырады. Мақсат – тек қана тазалықты бақылау емес, сонымен қатар тұрғындар мен қонақтарға экологиялық тәрбие беру, табиғатқа жанашырлықпен қарауды насихаттау.
📢 Құрметті тұрғындар мен қонақтар!
Жағажайларда демалғанда тазалық сақтау – әр адамның мәдениетінің көрсеткіші. Табиғат – ортақ байлығымыз. Оны таза сақтау – ұрпақ алдындағы борышымыз.
