Польшаның Познань қаласында 22–25 мамыр аралығында өткен параканоэдан әлем кубогында түркістандық спортшы үздіктер қатарынан көрінді. Түркістан облыстық су спорты түрлерінен олимпиада резервінің мамандандырылған балалар-жасөспірімдер спорт мектебінің спортшысы Бибарыс Спатай KL2 санатында 200 метр қашықтықта сынға түсіп, мәреге төртінші болып жетті. Бұл оның спорттық мансабындағы үздік көрсеткіш.
Айта кетейік, жарыс аса тартысты өткен. Алғашқы төрт финалист мәре сызығына небәрі бір секунд айырмашылықпен жеткен. Жарысқа барлығы 25 елден 127 пара-спортшы қатысып, өз бақтарын сынады.
Түркістан облысының Өңірлік коммуникациялар қызметі
