Түркістан қаласында Ұлы Отан соғысындағы Жеңістің 80 жылдығына орай қалалық прокуратураның ұйымдастыруымен тыл ардагерлеріне арналған салтанатты шара өтті. Жиынға Түркістан қаласының әкімі Әзімбек Пазылбекұлы, қалалық мәслихат төрағасы Сәрсенбаев Ғаппар, қала прокуроры Кәукен Нәрікбаев, қалалық мәслихат депутаттары, зиялы қауым өкілдері мен тыл ардагерлері қатысты.
Мерекелік шарада ардагерлерге Мемлекет басшысы Қасым-Жомарт Тоқаевтың 2025 жылғы 28 сәуірдегі Жарлығына сәйкес «Ұлы Отан соғысындағы Жеңіске 80 жыл» медалі табысталды. Сондай-ақ, Түркістан қалалық мәслихатының атынан арнайы алғыс хаттар мен қала әкімдігі тарапынан естелік сыйлықтар тарту етілді.
Түркістан облысының Өңірлік коммуникациялар қызметі
