Түркістан облысына жұмыс сапарымен Еңбек және халықты әлеуметтік қорғау министрлігінің Әдеп жөніндегі уәкілі Өркен Алшынбаева келді. Осыған орай Түркістан қаласындағы «Достық үйі» ғимаратында сыбайлас жемқорлыққа қарсы іс-қимыл саласындағы және Әдеп кодексінің талаптарын сақтау мәселелері бойынша семинар-кеңес отырысы өтті. Шараға ҚР Мемлекеттік қызмет істері агенттігі Түркістан облысы бойынша департаментінің мемлекеттік қызмет саласындағы бақылау басқармасының басшысы Ж.Жұматай, ҚР Сыбайлас жемқорлыққа қарсы іс-қимыл Агенттігі Түркістан облысы бойынша департаментінің Превенция басқармасының аға офицері А.Серікқызы, ҚР Мемлекеттік еңбек инспекциясы комитетінің Түркістан облысы бойынша департаменті басшысы А.Салхудинұлы қатысып, баяндама жасады. Сонымен қатар, шараға Мемлекеттік еңбек инспекциясы комитеті Түркістан облысы бойынша департаментінің қызметкерлері мен Халықты әлеуметтік қорғау саласындағы департаментінің қызметкерлері қатысты.
Жиын барысында Өркен Болатқызы мемлекеттік қызметкерлердің сыбайлас жемқорлыққа қарсы іс-қимыл саласындағы заңнамасының және Әдеп колексінің талаптарын қатаң сақтау бағытында атқарылатын жұмыстар жөнінде баяндады. Одан бөлек, кездесуде мемлекеттік қызметтегі сыбайлас жемқорлыққа қарсы күрес пен әдеп қағидалары түсіндірілді. Сондай-ақ, мемлекеттік қызметшілердің рөлі мен жауапкершілігіне қатысты қызметтегі негізгі қағидаттары айтылды.
Түркістан облысының Өңірлік коммуникациялар қызметі
