Дәстүрлі 6-шы көшпелі отырысқа облыстық қоғамдық кеңес мүшелері, тиісті басқарма басшылары мен өкілдері, аудандық мәслихаттың және Қоғамдық кеңестің төрағалары мен мүшелері, дербес бөлім басшылары мен ауыл әкімдері, БАҚ өкілдері қатысты.
Басқосуда Түлкібас ауданында ауыл шаруашылық саласындағы мемлекеттік саясатты іске асыру туралы қоғамдық тыңдау өтіп, біршама басқарманың қаулы жобалары қабылданып, ережелеріне енгізілген өзгерістер қаралды.
Күн тәртібіндегі негізгі мәселе бойынша аудандық ауыл шаруашылығы және жер қатынастары бөлімінің сектор меңгерушісі және Түркістан облысының ауыл шаруашылығы басқармасы басшысының орынбасары баяндама жасап, Қоғамдық кеңес мүшелері тарапынан қызу талқылауға түсті.
Жалпы Түлкібас ауданы ауыл шаруашылығы саласында әуеті жоғары аймақтардың бірі.
Биылғы жылы ауданда 64485 гектарға түрлі дақылдар егіліп, мол өнім алынуда.
Аудан, облысымызда алма бау көлемі бойынша көш бастап тұр.
Мәселең, қазіргі таңда, аймақта 3062 гектар алма бау болса, соның ішінде 644 гектары қарқынды бауды құрап отыр.
Сонымен қатар, таулы ауданда соңғы жылдары балық шаруашылығы қарқынды дамып келеді. Бүгінде аймақта балық шаруашылығымен айналысып жатқан шаруашылықтар саны 30-ға жуықтап отыр. Бұл бағытқа қызыққан кәсіпкерлер саны да күн санап артып келеді.
Басқосуда төрағалық етіп отырған Керімхан Жанысұлы күн тәртібіндегі барлық мәселелер қаралып, қойылған сұрақтар мен ұсыныстар назарға алынып, қанағаттандырарлықтай жауаптар берілген соң, қорытынды сөзді аудан әкімі Асқар Сұлтанұлына берді.
Аудан басшысы маңызды жиынды түйіндеп, отырыста көтерілген әр мәселе басты назарда болатындығын және олар бойынша нақты ісшаралар жоспары түзілетінгін жеткізіп, ауданға арнайы келіп, өзекті мәселелерді талқыға салған барша Қоғамдық кеңес мүшелеріне алғысын білдірді.
Түлкібас ауданы әкімдігінің баспасөз қызметі
