Төлеби ауданы Бірінші Мамыр ауылдық округінде 350 адамды жұмыспен қамтып отырған «Балмұздақ» ЖШС-і жұмыс істейді. Жалпы аумағы 3,2 гектар аумақты алып жатқан өндіріс орны «Lengerskoe» сауда белгісімен шығатын 120-дан астам түрлі балмұздақтарымен, 22 түрлі шоколад өнімдерімен, 23 түрлі жартылай дайын өнімдерімен мақтана алады. Ең танымалы – «Ностальгия» балмұздағы.
1987 жылы қоғамдық тамақтану кәсіподағына қарасты кішігірім цех ретінде негізі қаланған мекеме 1998 жылы наурыз айында “Балмұздақ” ЖШС-і болып қайта құрылған. Бұл Түркістан облысындағы алғашқы жекеменшік балмұздақ өндірісі болып тіркелген. Зауыт балмұздақ өндіруге қажетті жоғары сапалы шикізатпен қамтамасыз етілген, сәйкестік сертификаттары бар. Көпшіліктің сүйікті «Ностальгия» балмұздағын автоматты орауға арналған арнайы қондырғы орнатылуда. Сондай-ақ, өндіріс көлемінің артуына байланысиы қосымша 80 адам жұмыспен қамтылады деп жоспарланып отыр.
Түркістан облысының Өңірлік коммуникациялар қызметі
