2025 жылдың қаңтар айында Түркістан облысы білім басқармасының 09.01.2025 жылғы №25/109 санды хатына және әдістемелік кеңестің №1 хаттамалық тапсырмасына сәйкес, Шардара ауданы, №1 М.Әуезов атындағы жалпы орта мектебінде «Ұлттық фильм» айлығы жоғары деңгейде ұйымдастырылып өткізілді.
Аталған айлықтың негізгі мақсаты – оқушылардың ұлттық мәдениетке, тарихи тұлғаларға, рухани-адамгершілік құндылықтарға деген қызығушылығын арттыру және қазақ киноөнерінің озық туындылары арқылы тарихи сана мен ұлттық болмысты қалыптастыру.
Айлықтың мақсаттары:
-
Оқушыларды ұлттық құндылықтар мен мәдени мұраға баулу;
-
Қазақ киноөнерінің үздік туындыларымен таныстыру;
-
Тарихи тұлғалардың өмір жолы арқылы оқушылардың рухани-адамгершілік қасиеттерін дамыту;
-
Көркем фильмдер арқылы қазақ халқының тарихы мен дәстүрін дәріптеу.
Айлық аясында көрсетілген фильмдер тізімі:
-
«Менің атым Қожа» – бала психологиясын шынайы суреттейтін классикалық туынды;
-
«Қыз Жібек» – қазақ эпостық жыры негізіндегі көркем фильм;
-
«Құнанбай» – Абайдың әкесі, көреген тұлға Құнанбайдың өмір жолына арналған тарихи-драмалық туынды;
-
«Абай» – ұлы ойшыл, ақын Абай Құнанбайұлының шығармашылық және өмір жолына арналған көркем бейне;
-
«Жамбыл. Жаңа дәуір» – жыр алыбы Жамбыл Жабаевтың тағдыры мен кеңестік кезеңдегі өмірі туралы тарихи шығарма.
Фильм көрсетілімдері мектептің тәрбие жұмысы жоспарына сай ұйымдастырылып, барлық 1–11 сынып оқушыларының қатысуымен өтті. Оқушылар фильмдерден алған әсерлерімен бөлісіп, талдау жұмыстары мен пікірталас сабақтары өткізілді.
Бұл айлық оқушылардың қазақ киноөнеріне деген қызығушылығын арттырып, ұлттық сананы, мәдени танымды, рухани тәрбие мен тарихи білімді қалыптастыруға елеулі үлес қосты.
