«Таза Қазақстан» экологиялық акциясын жоғары деңгейде жүргізу туралы Шардара ауданының әкімі Арман Қарсыбаевтың тапсырмасына сәйкес, аудан аумағында бей-берекет тасталған қоқыс орындарын жою жұмыстары жүргізілуде. Сондай-ақ, ескірген көрнекі құралдары мен қауіпсіздік жол белгілері жаңартылуда.
Бұл бағыттағы жұмыстар аудан әкімінің қатаң бақылауына алынып, Шардара қаласы мен ауылдық мекендердің және облыстық маңыздағы жолдардың бойларының тазалығын сақтау, шөп ору жұмыстары жүйелі түрде жүргізілуде.
Аудан әкімінің тапсырмасына сәйкес елді-мекендердің санитарлық тазалығымен сыртқы көрінісіне мониторинг жүргізіліп, әрбір ай қорытындысымен рейтингтік көрсеткіші шығарылып, әлеуметтік желіде жарияланатын болады. Жыл қорытындысымен анықталған үздік таза елді-мекенді абаттандыруға сертификат табысталатын болады.
Шардара ауданы әкімінің баспасөз қызметі
