Шардара ауданында медицина қызметкерлерінің кәсіби мерекесіне орай арнайы қабылдау өтті. Аудан әкімі Арман Қарсыбаев денсаулық сақтау саласының мамандарын Медицина қызметкерлері күнімен құттықтап, саланың дамуына қосқан үлестері үшін алғысын білдірді.
Жыл сайын маусым айының үшінші жексенбісінде аталып өтетін бұл мереке – адам жанының арашасы болып жүрген дәрігерлер мен медбикелерге, барша медицина қызметкерлеріне деген зор құрметтің белгісі.
Қабылдауда аудан әкімі:
«Құрметті ақ халатты абзал жандар! Саналы ғұмырын медицинаға арнаған ардагерлер мен қазіргі уақыттағы мамандар – сіздер халықпен біте қайнасып, үлкен жауапкершілікті арқалап келесіздер. Жанға дауа, дертке шипа, денге саулық сыйлайтын еңбектеріңіз зор құрметке лайық. Кәсіби мерекелеріңізбен шын жүректен құттықтаймын! Алдағы уақытта да ел игілігі үшін еткен еңбектеріңіз жана берсін», – деді.
Қабылдау барысында аудандық орталық аурухананың бірқатар қызметкерлері аудан әкімінің Алғыс хаттарымен марапатталды.
(с) Шардара ауданы әкімінің баспасөз қызметі
