АДАЛДЫҚ – ҰЛТ БОЛАШАҒЫНЫҢ КЕПІЛІ
Шардара ауданында жастар арасында адалдық пен әділдік құндылықтарын насихаттау мақсатында маңызды іс-шара өтті. Бүгін аудандық ішкі саясат бөлімінің ұйымдастыруымен «Таңдауымыз – адал қоғам» атты шығарма жазудан аудандық байқау өткізілді.
Байқаудың басты мақсаты – жас ұрпақтың бойында парасаттылық, әділеттілік пен адалдық қағидаттарын қалыптастыру, сондай-ақ қоғамдағы этикалық құндылықтардың маңызын арттыру.
Шығарма байқауына аудан мекемелерінде еңбек ететін жас мамандар, белсенді жастар мен №16 колледж студенттері қатысты. Қатысушылар берілген уақыт ішінде қоғамдағы адалдықтың рөлі мен жеке тұлғаның өміріндегі мәні туралы өз ойларын шығармашылық тұрғыда жеткізді.
Қазылар алқасының шешімімен байқау жеңімпаздары анықталды.
І орын – Көксу ауылдық округі әкімінің аппаратының бас маманы Н.Мантубаев
ІІ орын – Аудандық жастар ресурстық орталығының әдіскері С.Құдайбергенова
ІІІ орын – Шардара қаласының белсенді жасы М.Утебек, Жаушықұм ауылдық округі әкімінің қоғамдық негіздегі қызметкері Б.Сәрсенбай, аудандық жер қатынастары бөлімінің әдіскері С.Курбаналиев иеленді.
Байқау қорытындысында жеңімпаздар мен белсенді қатысушыларға арнайы дипломдар мен бағалы сыйлықтар табысталды.
Бұл іс-шара – жастардың саналы азаматтық ұстанымын қалыптастыруға, қоғамда адалдық пен әділдік қағидаттарын нығайтуға бағытталған маңызды қадам болып табылады.
Шардара ауданы әкімінің баспасөз қызметі
