Биыл Кентау қаласында 16 инвестициялық жобаны іске асыру жоспарланған. Нәтижесінде 670 жаңа жұмыс орнын ашу көзделіп отыр. Оның ішінде, өнеркәсіп саласында жалпы құны 6,8 млрд теңгеге 530 жаңа жұмыс орнымен 4 жоба ашу жоспарлануда. Оның 2 жобасы арнайы экономикалық аймақта, 2 жоба индустриалды аймақта орналастырылады.
Ауыл шаруашылығы саласында 5000 бас мал бордақылау кешені және мал сою цехы, 5 млрд теңгеге 25 жұмыс орны ашылатын 1 жоба іске асырылатын болады.
Сондай-ақ, кіші және орта кәсіпкерлер көп шоғырланған Қарнақ ауылынан 10 га өнеркәсіптік аймаққа жер бөлінді. Бүгінгі таңда инфрақұрылым жүргізу жұмыстары атқарылуда. Сонымен қатар, жобаларды іріктеу жұмыстары жүргізілуде.
Түркістан облысының Өңірлік коммуникациялар қызметі
