Қоғамның дамуы мен өркендеуі ең алдымен халықтың ынтымағы мен өзара түсіністігіне байланысты. Қазақстан – түрлі ұлт пен ұлыс өкілдері тату-тәтті өмір сүріп келе жатқан көпэтносты мемлекет. Бірлік – тек сөз емес, ол ортақ мақсатқа жұмылудың, қиындықты бірге еңсерудің, ортақ құндылықтарды құрметтеудің белгісі. Бүгінде елімізде 130-дан астам этнос өкілдері бір шаңырақ астында бейбіт өмір сүруде. Бұл – халқымыздың толеранттылығының және тарихи сабақтастығының айқын көрінісі.
Қоғамдық келісімсіз тұрақты даму мүмкін емес. Сондықтан Қазақстан халқы Ассамблеясы, этномәдени орталықтар мен азаматтық қоғам институттары ұлттар арасындағы татулықты сақтауда маңызды рөл атқарады.
Тәуелсіздік жылдарында еліміз этностардың мәдениетін, тілін дамытуға жағдай жасап, «Бірлік – береке бастауы» қағидасын ұстанып келеді. Бұл саясаттың нәтижесінде Қазақстанда бейбітшілік пен келісім үлгісі қалыптасты.
