Биіктіктегі батырлар — өнеркәсіптік альпинистер

2025 жыл — Жұмысшы мамандар жылы. Осыған орай біз күн сайын қауіп-қатерге толы, бірақ аса маңызды еңбекті атқарып жүрген жандар туралы айтып өтуді жөн көрдік. Солардың бірі — өнеркәсіптік альпинистер, яғни биік ғимараттардың терезесін жуып, күрделі құрылыс жұмыстарын атқаратын кәсіби мамандар. Олар аспанмен таласқан ғимараттардың ең биік қабаттарында жұмыс істейді. Бұл – тек физикалық төзімділік қана емес, темірдей тәртіп пен жоғары деңгейдегі қауіпсіздік техникасын меңгеруді талап ететін кәсіп.