«Батыс Қазақстанда омикрон штамы тіркелді» деген ақпарат ел-жұртты дүр сілкіндірді. Әлеуметтік желі арқылы әп-сәтте жер-әлемді шарлап кеткен жайсыз хабардың анығын тек Санитарлық-эпидемиологиялық бақылау комитетінің басшысы Ержан Байтанаев қана айтып берді.
Абырой болғанда, бұл ақпарат жалған екен. Денсаулық сақтау министрлігі осы тұста арнайы брифинг беріп, елге ешқандай жаңа штамның келмегенін мәлімдеді.
Гүлдана Қайыржанқызы, БҚО санитариялық-эпидемиологиялық бақылау департаменті басшысының орынбасары:
«Облыс аумағында омикрон жағдайы тіркелмеді. Эпидемиологиялық бақылау матрицасы бойынша Батыс Қазақстан облысы жасыл аумақта»
