Алғашында кезекті антиреккорд орнатқан валюта, бір долларға шаққанда 18, 36 лираға дейін құлдырады.
Бұған себеп, Президент Режеп Эрдоғанның өз саясатын жалғастыруы. Түрік валютасы өз құнының 55 пайызын жоғалтып, ең қажетті тауарлардың бағасы шарықтап кеткен еді. Бірақ, Эрдоған күні кеше мәлімдеме жасап, жаңа экономикалық курс жүргізетінін жеткізді. Ол бойынша үкімет зейнетақы қорларына бөлінетін көмекті ұлғайтады. Эрдоған мәлімдемесінен кейін лира құны қайтадан 13 жарымға көтеріліп, 10 пайызға жоғарылады. Дегенмен, сарапшылардың пікірінше келесі жылда да инфляция көлемі 30 пайызды құрады.
Режеп Тайып Эрдоған, Түркия президенті:
«Түрік банктеріндегі активтердің құны жоғарыласа, қарапайым адамдар сол табысты ала алады. Бұл табыс салықтан босатылады. Осы кезден бастап, тұрғындардың өз ақшаларын лирадан басқа валютаға айырбастауының қажеті жоқ. Түркияда жұмыс істейтін шетел компанияларына да жақсы жағдай қарастырмақпыз. Курстағы айырмашылық құнын Орталық банк төлейді. Мемлекеттік төлем пайыздық мөлшерлемесін 5 пайыздан бірден 30 пайызға ұлғайтамыз».
