Жыл соңына дейін облыс орталығында 610 пәтер пайдалануға беріледі. Алдымен тұрғын үйге мұқтаж, көпбалалы және әлеуметтік әлсіз топтағы отбасылар баспанамен қамтылады.
Қазір Түркістанда бюджет есебінен 7, 9 және 12 қабатты 67 тұрғын үйдің құрылыс жүріп жатыр. Аулалары абаттандырылып, балалар алаңқайлары салынуда. Бұл туралы облыс әкімі Өмірзақ Шөкеевтің төрағалығымен өткен апталық мәжілісте айтылды. Онда Түркістандағы көпқабатты үйлердің құрылысы мен аумағын абаттандыру жұмыстары талқыланды.
Одан бөлек, 14 көпқабатты тұрғын үйдің 763 пәтері «Отбасы банк» арқылы және 3 көпқабатты тұрғын үйдің 151 пәтері «7-20-25» бағдарламасы арқылы кредиттік жүйемен сатылымға шықты.
Нұрбол Тұрашбеков, Түркістан қаласының әкімі:
«7-20-25 бағдарламасы аясында жұмыстар жүруде. 15 үй 7 қабатты үйлер келесі аптаның ішінде ныш-ер мен отар құрылыстан 5 үйді қабылдап аламыз.қалған үйлерді ай соңына дейін қабылдап аламыз.12 қабатты 8 тұрғын үйде толық жұмыстар жүруде. 28-29 желтоқсанға дейін қабылдап алынады».
