Қоғамдық көлік жылдамдығын шектен тыс асырғаны және жол ережесін бұзғаны үшін. Ал тізгінде ұялы телефонмен сөйлескен 839 жүргізушіге хаттама толтырылған. Оның ішінде тіпті мас күйде рөлге отырғандар да бар. Тілшіміз Шынар Әділханқызы баяндайды.
Қалада екі аптадан бері «Автобус» жедел-профилактикалық іс-шарасы өтіп жатыр. Нәтижесінде жолаушыларды заңсыз тасымалдау бойынша – 27, жүк тасымалдау ережесін бұзу бойынша 247 жайт анықталған. Сондай ақ, 51 автобус рейс алдындағы, тағы 281-і жыл сайынғы міндетті техникалық байқаудан өтпеген болып шықты.
Ұлықбек Мылтықов, жергілікті полиция қызметі басқармасының бастығы:
«Профилактикалық іс-шара барысында 575-бап, яғни, шетел автокөліктерін заңсыз тасымалдау бойынша 12 дерек анықталған. Қазір аталған бағыт инспекторларына айыппұл салынған. Қоғамдық көлік жүргізушілеріне тек өз өмірлері ғана емес, жолаушыларға да жауапты екенін ескерте кеткіміз келеді».
Тәртіп сақшыларымен біз де рейдге шықтық. Тоқтатқан 10 көліктің біреуі ғана техникалық байқаудан өтпеген болып шықты. Оған заң аясында әкімшілік хаттама толтырылды.
Қуаныш Әбжаппаров, қалалық жол патрульдік полициясының полиция аға лейтенанты:
«Рейдтік іс-шара барысында 10 шақты автокөлік тексеріліп, бір жүргізушіге техникалық байқаудан өтпегені үшін 5АЕК айыппұл салынды. Яғни, ол 7292 теңге төлейді. Автокөліктердің жол жүру парағы мен қайта жабдықтауын тексердік».
Түйін: Қоғамдық көлік жүргізушілері салондағы жолаушылар өміріне тікелей жауапты. Сол үшін көшедегі қозғалыс ережелерін сақтауы керек. Алайда құзырлы мекемелер жиі-жиі ескертсе де, жауапкершілікті сезінбейтіндер өте көп. Жолаушылар тарапынан шағымдар да азаймай тұр. Сондықтан рейдтер де әзірге саябырси қоймайды.
