Келестік кәсіпкер қызыл құрттан биогумус өндіруді қолға алды. Ол үшін калифорниялық шылаушындарды пайдалануда. Өйткені, тез көбейеді екен. Мәселен, 5000 шылаушын 3 айда 10 есеге көбейген.
Мамандардың айтуынша, биогумус – табиғи тыңайтқыш. Қазақша айтқанда, көң. Дегенмен айырмашылығы бар: мал тезегінің қышқылдығын азайту үшін, оны калифорния қызылқұртына жегізеді. Осылай өңделген тыңайтқыш, бақша дақылдарының өнім көлемін еселеп арттырады. Ал, өңделмеген көң егістікті күйдіріп жіберуі мүмкін екен.
Нұржігіт Еркінбекұлы, кәсіпкер:
«Әр шылаушын күніне өз салмағындай биогумус өндіріп береді. Бұл шылаушындар осы көңнен басқа жерге қашып кетпейді. Бір жұмыртқадан кемі екеу, көбі жиырмаға дейін шылаушын шығады».
