Токио Олимпиадасы аяқталған соң құрлық және әлем чемпионаттарының байрағы желбірейді. Әсіресе биылғы күз ірі додаларға толы болғалы тұр деп хабарлайды Turkistanzaman.kz ақпараттық порталы.
Ұлттық Олимпиадалық комитетінің хабарлауынша, қазақ спортшылары қыркүйекте мына жарыстарға қатысады:
4-5 қыркүйек. Шаңғымен тұғырдан секіруден ерлер арасындағы жазғы Гран-при сериясы. Щучинск, Қазақстан.
10-20 қыркүйек. Нысана көздеуден Азия чемпионаты. Шымкент, Қазақстан.
12-19 қыркүйек. Волейболдан ерлер арасында Азия чемпионаты. Тиба, Жапония.
12 қыркүйек-3 қазан. Футзалдан әлем чемпионаты. Каунас, Литва.
15-19 қыркүйек. Үстел теннисінен «2021 ITTF Kazakhstan International Open» халықаралық турнирі. Қарағанды, Қазақстан.
15-25 қыркүйек. Гандболдан әйелдер арасындағы Азия чемпионаты. Иордания.
15-21 қыркүйек. Спорттық құзға өрмелеуден әлем чемпионаты. Мәскеу, Ресей.
19-26 қыркүйек. Садақ атудан әлем чемпионаты. АҚШ
24-29 қыркүйек. Таеквондодан халықаралық “Russia Open G1” турнирі. Мәскеу, Ресей
30 тамыз-12 қыркүйек. Теннистен US Open жарысы.
Дүбірлі додаларда отандастарымызға сәттілік тілейміз!
