1 қыркүйекте президенттік кадр резервіне іріктеу басталады,-деп хабарлайды TurkistanZaman ақпараттық порталы Tengrinews.kz-ке сілтеме жасай отырып.
Бұл туралы Мемлекеттік қызмет істері агенттігінің төрағасы Анар Жайылғанова мәлімдеді
Президент жанындағы жастар кадр резерві жөніндегі Ұлттық комиссия резервке іріктеу тәртібін, оны өткізу жоспарын бекітті.
«Біз кезекті іріктеуді 2021 жылдың 1 қыркүйегінен бастаймыз. Қорытындысы бойынша мемлекеттік сектор үшін 50 қызметкер іріктеледі. Негізгі талаптар, бұрынғыдай, Қазақстан азаматтығы, жасы 35-тен аспаған, жоғары білімі бар және еңбек өтілі 5 жылдан кем емес.
Алдыңғы іріктеуден айырмашылығы, кандидаттардың шынайы мотивтері мен олардың құндылық бағдарларын бағалауға бағытталған. Біз бірінші кезекте қоғамдық мүддені басшылыққа алатын жас таланттарды анықтауға баса назар аударамыз. Іріктеу кезеңінде ситуациялық міндеттерді шешу, мінез-құлықты анықту сұхбаты сияқты бағалаудың жаңа құралдары енгізіледі», – деді Жайылғанова ОКҚ брифингінде.
