Дабылды ескерту жарияланған аймақтың арасында Түркістан облысы да бар,-деп хабарлайды TurkistanZaman ақпараттық порталы.
Сонымен қатар, Алматы, Жамбыл, Қызылорда, Қарағанды облыстарына да дабылды ескерту жарияланған болатын. Бұл туралы Қазгидромет ресми сайтында хабарлады.
Атап айтатын болсақ, Түркістан облысының кей жерлерінде 16 тамызда солтүстік-шығыстан соғатын желдің күші 15-20 м/с болады деп күтілуде. Төтенше жағдайдағы өрт қаупі сақталады.
Алматы облысында 18 тамызға дейін жауын-шашын, кей аймақтарда жаңбыр мен қар жауады деп күтілуде. Қазгидрометтің болжауынша, кей жерлерде өткінші жаңбыр, найзағай, бұршақ болса, кей жерлерде шаңды дауыл болады.
Ал Батыс Қазақстан, Маңғыстау өңірлерінде 38 градус қатты ыстық күтіледі. Төтенше жағдайдағы өрт қаупі сақталады.
18-20 тамыз күндері Атыраудың оңтүстік аймақтарындағы ауа температурасы +40-41 градусқа дейін көтеріледі.
Қызылорда облысында күші 15-20 м/с құрайтын шаңды дауыл соғып, соңы күшті желге ұласады.
Жамбыл облысының кей жерлерінде найзағай, бұршақ, шаңды дауыл күтілуде.
