Елімізде күн салқындап, ауа температурасы төмендейді,-деп хабарлайды TurkistanZaman ақпараттық порталы «Хабар 24»-ке сілтеме жасай отырып.
Салқын Атлантикалық ауамен бірге ауқымды антициклон Қазақстан арқылы жылжып өтеді. Антициклонның әсерінен оңтүстік, оңтүстік-шығыс және шығыс өңірлерде күн әлдеқайда салқындайды.
Қазгидромет 14-16 тамызға арналған ауа райы болжамын жасады. Мәселен, оңтүстіктегі термометрлер күндіз +22-30 аралығын, оңтүстік-шығыста +15-20 дейін төмендейді. Бірақ солтүстік аймақ аздап ыси түседі. Мұнда сынап бағаны +23-28 градусқа дейін көтеріледі. Батыс аймақтың жарты бөлігі Иран аудандарынан келетін жылы және құрғақ ауа массаларын, жауын-шашынсыз ауа райын сақтайды. Өңірдегі ауа-райы +32-40 градусты көрсететін болады.
