Елдің метеорологиялық агенттігі тұрғындарды көшкін мен су тасқынынан сақ болуды ескертуде. NHK телеарнасының хабарлауынша бірнеше префектураның тұрғындарына нөсер жауын, жел екпіні мен су деңгейінің көтерілуі кезінде ерекше сақтық шараларын қолдану туралы ескерту жасалған.
Билік Кюсю аралының орталық бөлігінде орналасқан бірнеше ауданға 5-ші деңгейдегеі эвакуация туралы ескерту жариялап, тұрғындарға өздерін қорғау үшін шұғыл шаралар қабылдауға шақырды.
«Тұрғындар үшін қауіптілік деңгейі жоғары, нөсер жауын ондаған жылдар болмаған апат әкелуі мүмкін деп болжаймыз» – делінген билік таратқан хабарламада.
Айта кетейік, бұл ескертулер Кумамото, Хиросима, Фукуока, Сага, Нагасаки, Ойта және Кагосима префектураларының 2,82 миллион тұрғынына да қатысты.
