Білім және ғылым министрі Асхат Аймағамбетов қалың жұртшылыққа «Әліппе» оқулығын таныстырды,-деп хабарлайды TurkistanZaman ақпараттық порталы.
Ол өз сөзінде ұлт ұстазы Ахметтің төл туындысы мен әдістемесін негізге ала отырып, жаңа оқулық жарық көретін айтып, сүйіншілеген болатын.
«Бірінші қыркүйекте өтетін іс-шарада біз алғаш рет мектеп табалдырығын аттаған оқушыларға салтанатты түрде «Әліппе» оқулығын табыс етуіміз керек. Бұл – игі дәстүр. Аталған бағыттағы жұмысты уақытылы ұйымдастыру кажет. «Әліппе» – бүлдіршіндердің алғашқы оқулығы. «Әліппе» оқулығы әзірленіп, өңірлерге жеткізіліп жатыр. «Әліппе» ұлт ұстазы Ахмет Байтұрсынұлының әдістемесі негізінде жасалды», – деп атап өтті Білім және ғылым министрі Асхат Аймағамбетов.
Еске сала кетейік, Қазақстан Республикасы Білім және ғылым министрінің
2016 жылғы 8 сәуірдегі № 266 бұйрығына 1-қосымшасы негізінде «Әліппе» оқулығы оқу бағдарламасынан алынып, «Сауат ашу» пәні қосылған еді.
