Археологиялық зерттеу нәтижесінде Ақмола облысы, Қорғалжын ауданынында орналасқан Бытығай (Ботағай) ескерткішінен ортағасырлық қыш құмыра табылды.
Бозоқ мемлекеттік тарихи-мәдени музей-қорық мекемесінің ғылыми қызметкері Қажымұрат Төлегенұлы құмыраның биіктігі – 40, ені – 25 см шамасында, ішінде белдеуінен жоғары деңгейде толтырылған майға ұқсас қоңыр түсті сұйықтық сақталған дейді. Ал, археолог мамандардың айтуынша мұндай бұйым бұған дейін еш жерден табылмаған.
«Бұл жәдігер орта ғасырға тән артефакты. Сондай-ақ Қазақстан және Орталық Азия республикаларының археологиялық тарихы үшін тың жаңалық. Екінші жағынан еліміздің солтүстік және орталық өңіріндегі қала мәдениетінің үлгісі» дейді олар.
Айта кетейік, Бытығай кесенесінің өзі еліміздегі жалғыз ортағасырлық жәдігер.
