Redactor
Сарапшы: Кәсіпкерлік және инвестиция саласының маманы
Мемлекет басшысы Жолдауында экономикалық өсімді қамтамасыз ету, инвестициялық белсенділікті арттыру және жаңа өндірістерді дамыту міндеттерін айқындады.
Түркістан облысында бұл бағытта жүйелі жұмыстар атқарылуда. 2026 жылдың қаңтар-тамыз айларының қорытындысы бойынша өңірдің қысқа мерзімді экономикалық өсімі 121,9 пайызды құрады.
Бұдан бөлек, жыл басынан бергі сегіз айда облыста 79 069 жұмыс орны ашылған. Ал ұлттық жобалар мен мемлекеттік тұжырымдамалар аясындағы инфрақұрылымдық жобалар бойынша 2 305 жұмыс орны құрылған.
Инвестициялық жобалардың қатарында Мақтаарал ауданында ұн және май өндіретін заманауи агроөнеркәсіптік кешен салу бастамасы да бар. Жобаның құны 31 млн АҚШ долларын құрайды. Кәсіпорын іске қосылған жағдайда 120 адам тұрақты жұмыспен қамтылады деп күтілуде.
Инвестицияның нақты нәтижесі тек қаржы көлемімен өлшенбейді. Оның өңірге әкелетін жаңа технологиясы, тұрақты жұмыс орындары, жергілікті мамандардың біліктілігі мен өндірілетін өнімнің бәсекеге қабілеттілігі де маңызды.
Сондықтан Түркістан облысында инвестициялық жобаларды жүзеге асырумен қатар, олардың ұзақ мерзімді экономикалық тиімділігіне де назар аудару қажет.
