1 қыркүйек – Білім күні Түркістан облысының барлық білім беру ұйымдарында «Адал азамат» тақырыбында бір мезетте эссе жазу шарасы ұйымдастырылды.
Шараға өңірдегі 1 106 мектептің 554 973 оқушысы, 50 колледждің білім алушылары, сондай-ақ «Adal urpaq» ерікті клубтары мен «SANALY urpaq» студенттік клубтарының мүшелері қатысты.
Осылайша, 600 мыңға жуық жас жаңа оқу жылын «Адал азамат» идеясымен бастады.
Іс-шараның мақсаты – өскелең ұрпақтың бойына адалдық, адамгершілік, жауапкершілік және отансүйгіштік құндылықтарын сіңіру, білімді әрі саналы азамат қалыптастыру.
Адал ұрпақ – саналы ұрпақ. Білім мен тәрбиені қатар ұстанған, ел болашағына жауапкершілікпен қарайтын, адалдықты өмірлік қағида еткен жас ұрпақ – мемлекеттің берік негізі.
«Адал азамат» идеясы – сапалы біліммен қатар, ұлттық құндылықтарды дәріптеп, елжанды, парасатты әрі жауапты азамат тәрбиелеуге бағытталған маңызды бастама.
«Адал азамат» – жаңа оқу жылының басты құндылығы.
