Redactor
«Таза Қазақстан» экологиялық акциясы аясында аудан аумағында кезекті санитарлық тазалық жұмыстары ұйымдастырылды.
Қарабұлақ ауылындағы Шымкент қақпа көшесінде орналасқан «Қарасу»бұлағы жағалауында өткен сенбілікке ауыл тұрғындары, барлық бөлім басшылары мен мемлекеттік қызметшілер, «Көрікті Сайрам» МКК қызметкерлері барлығы 300-ден астам адам қатысты.
Шара барысында тазалық жұмыстарына белсенділік танытып, атсалысқан бірқатар қызметкерлер аудан әкімінің алғыс хатымен марапатталды.
Тазалық жұмыстары барысында көл жағалауы ретсіз қоқыстардан тазартылып, қураған ағаштардың бұталары кесілді. Сондай-ақ «Қарасу» бұлағының бойындағы аллея мен көпір сырланып ретке келтірілді. Нәтижесінде полигонға 3,2 тонна қоқыс шығарылды.
Сонымен қатар, ауданның барлық елді мекендерінде сенбіліктер ұйымдастырылды. Жалпы 75,2 шақырым көше бойы мен 32,6 шақырым аяқжол тазартылып, 14,2 шақырым аумақтағы арамшөптер орылды. 6 саябақ пен 7 аллеяның аумағы абаттандырылып, полигонға жалпы 24,3 тонна қоқыс жеткізілді.
Елді мекендердің тазалығы мен көркі – баршамызға ортақ жауапкершілік. Сондықтан, мұндай жұмыстар алдағы уақытта да жүйелі түрде жалғасады.
Бүгінгі сенбілікке барлығы 1300-ден астам адам, 27 техника жұмылдырылды.
#Таза_Қазақстан
