Шардара ауданының 60 жылдық мерейтойы және Рамазан айының рухани-имани атмосферасында ұлттық салт-дәстүрлерді ұлықтау, соның ішінде батаның тәрбиелік мәнін дәріптеу мақсатында «Батаменен ел көгерер» атты аудандық батагөй қариялар байқауы ұйымдастырылды.
Аталған байқау – ұлттық құндылықтарды насихаттауға, жастарға тағылымды тәрбие беруге бағытталған маңызды іс-шаралардың бірі болды. Батаның мәнін, мазмұнын терең ұғындырып, ел ішіндегі абыз ақсақалдардың рухани орнын дәріптеуді көздеген бұл байқауға ауданның әр ауылы мен ауылдық округтерінен батагөй қариялар қатысты.
Сайыста Қ.Тұрысбеков ауылдық округіне қарасты Шардара ауылының намысын қорғап шыққан Базарқұл Ақберді атамыз ерекше белсенділік танытып, терең мазмұнды, өнегелі бата беріп, әділқазылар алқасының жоғары бағасына ие болды. Нәтижесінде, Базарқұл атамыз жүлделі ІІ орын иеленіп, арнайы марапатпен және бағалы сыйлықпен марапатталды.
Бұл жетістік – ауыл ақсақалдарының өнегелі сөзі мен батасының ел ішінде жоғары бағаланатынын тағы бір мәрте дәлелдеді.
