2025 жылғы 27 мамыр күні N16 колледжінде жастардың тәрбиесін нығайту және олардың қоғамдық белсенділігін арттыру мақсатында “Жастар ресурстық орталығы” қызметкерлерімен кездесу өтті. Кездесу “Тәртіп тән үшін, ынтымақ жан үшін керек” тақырыбында ұйымдастырылды.
Іс-шараны колледж директорының тәрбие ісі жөніндегі орынбасары Гүлнұр Дүйсебекова ашып, кездесудің негізгі мақсаты мен маңыздылығына тоқталды.
Кездесуге арнайы шақырылған аудандық “Жастар ресурстық орталығының” басшысы Мұрат Мусабеков пен орталық маманы Санжар Тұрлыбеков қатысып, жастармен еркін форматта әңгімелесті. Олар өз тәжірибелерімен бөлісіп, жастарды белсенділікке, ауызбіршілікке және жауапкершілікке шақырды. Сонымен қатар, болашақта жүзеге асырылуы мүмкін бірлескен жобалар туралы ұсыныстар айтылып, өзара пікір алмасу өтті.
Кездесу барысында студенттер өздерін толғандырған сұрақтарын қойып, белсенділік танытты. Бұл шара жас ұрпақтың бойына отансүйгіштік, тәртіп пен бірлік құндылықтарын сіңіру жолындағы маңызды қадамдардың бірі болды.
Іс-шара соңында қатысушылар бір-біріне ризашылықтарын білдіріп, алдағы уақытта да осындай мазмұнды кездесулердің жалғасын табуына ниет білдірді.
