saqnews.kz
Отырар ауданындағы Қоғам және Көксарай ауыл округтерінде шіркейге қарсы дәрілеу жұмыстары жүргізілуде. Осы ретте, аудан әкімі Қайрат Жолдыбайұлы жұмыс барысын бақылап, жауапты мамандармен кездесті. Аталған жұмыстарға «Защита растений-К» ЖШС-ң биолог мамандары зерттеу жұмыстарын жүргізіп, дәрілеу жұмыстарын бастаған. Ауа райы салдарынан шіркейлер азаймай тұр. Енді дәрілеу жұмыстарының екінші кезеңін іске асырып, күшейту көзделіп отыр.
Қайрат Жолдыбайұлының айтуынша, қажет болған жағдайда қосымша күштер тартылып, арнайы техникалардың саны артпақ. Аталған жұмыстар бақылауында болатынын айтып, мердігер мекеме қызметкерлеріне жұмыс барысын күшейтіп, сапалы жүргізу бойынша нақты тапсырмалар берді.
Түркістан облысының Өңірлік коммуникациялар қызметі
