Ыстықкөлдегі демалыстан қайтып келе жатқан екі қазақстандық жол апатына ұшырады, – деп хабарлайды turkistanzaman Tengrinews.kz тілшісі.
Қырғызстан ІІМ жол қауіпсіздігін қамтамасыз ету бас басқармасы баспасөз қызметі мәліметінше, жол-көлік оқиғасы 2 тамызда сағат 15.20 шамасында Шырпықты және Тору-Айгыр ауылдары арасында болған.
“Балықшы – Ананьево – Қаракөл тасжолында Opel Zafira көлігінің жүргізушісі рөлге ие бола алмай қалған. Алдын ала мәлімет бойынша, көліктің дөңгелегі жарылған. Салдарынан 1982 және 1966 жылы туған жолаушылар оқиға орнында қаза болды. Ал жүргізуші мен 2001 жылы туған егіз түрлі жарақатпен Балықшы қалалық ауруханасының жансақтау бөліміне жеткізілді”, – делінген ведомство хабарламасында.
