Бұл – Халық санағы басталғалы Түркістан қаласында өз еркімен санақ сұрақтарына жауап бергендер. Бүгінде дәстүрлі форматтағы екінші кезең өтіп жатыр. Облыста санақшылар қанша үйді аралап, тіркеу жүргізіп үлгергені жайлы тілшіміз Жандос Тастемір тарқатады.
Раушан Сұлтанов – «Отырар» ықшамауданының тұрғыны. Жасы 58 де. Отбасында немересі, баласы мен келіні, жұбайы бесеуі бір үйде тұрады. Тәуелсіздік алғалы екінші мәрте халық санағынан қатысуда.
Раушан Сұлтанов, «Отырар» ықшамауданының тұрғыны:
«Онлайн санақ өткен екен. Біз оны түсінбедік. Бүгін сұхбатшыларымыз келіп,сұхбат алып жатыр. Баршаңызды халық санағына атсалысуға шақырамын».
Гүлжан Қадірова – мұғалім. Ал жұмыстан тыс уақытта сауалнама жүргізеді. Айша бибі мен Құлыншақ ақын аралығындағы №7 көшенің 500 тұрғынын тіркеу осы кісіге жүктелелген. Жалпы 95 үйдің тұрғынын тіркеуі тиіс болса, бүгінде соның 20-30-ы онлайн форматта тіркелген. Ал қалғанын офлайн режимде, яғни, аяғымен барып, бірнеше сұраққа жауап жазып алуға тиіс. Күніне шамамен 12-13 үйдің адамын тіркейді. Бұл жердің көбі жаңадан салынып жатқан үйлер мен әлі бос жатқан жер болғандықтан, тіркелушілер саны көп емес дейді ол.
Гүлжан Кадирова, сауалнамашы:
«Қазір көбісі жұмыста болады. Сол себепті бір аралағанда барлық үйді аралап біте алмаймыз. Әр көшеден 2-3 үй қалып кетеді. Оны біз халықтың үйінде болатын уақытына,демалыс күндері барып, ол кісілерді де түгел тіркеп жатырмыз».
«Дүниеге неше сәби алып келдіңіз?», «Оның нешеуі тірі?», «Тағы да бала туу жоспар да бар ма?», – деген сауалдар кездеседі. Оны интервьюерер де растап отыр. Ал, планшеттің істен шығуы кездесу мүмкін екенін айтады. Ондай кезде өздері жөндеп алады екен.
Гүлжан Кадірова, сауалнамашы:
«Босану тағы да жоспарда бар ма? ол сұрақтың ешқандай әбестігі жоқ деп ойлаймын. Кез-келген адам алдына жоспар қояды. Ол сұрақтар ешқандай қолайсыздық тудырып жатқан жоқ тұрғындарға.қолайсыз сұрақты жақсы етіп көрсетуге тырысамыз. Жұмыстың мақсатының өзі сол ғой. Әрбір тұрғынмен тіл табысу. Кейде сервер істен шығып қалуы мүмкін. Оны обновить етеміз. Интернетін өшіріп,қосамыз. өзім жөндеп алам»
Сауалнамшылар орталыққа күн сайын мәлімет беріп отырады. Қауіпсіздік үшін учаскелік полиция мен әкімдік қызметкерлері оларға көмек көрсетеді. Айта кетейік, бұл жұмысқа 221 мыңнан астам қызметкер жұмылдырылған.
