Бюджет, зейнетақы қоры, рақымшылық. Биыл осы сынды қазақстандықтардың өміріне өзгеріс алып келген бірқатар заңдарға қол қойылды. Мәжіліс қабырғасындағылар жылды қорытындылап, бас-аяғы 39 жаңа заңды мақұлдады. Фракция мен депутаттардың бірлескен жұмыс нәтижелі ме? Әріптесім Нұрлан Сұлтанбек мәжіліс отырысының жылдық оқылымына шолу жасады.
Мәжіліс төрағасы Нұрлан Нығматтулиннің сөз бастауымен жыл басынан бері сессияда 80 заң жобасы қаралды. Олардың 39-ы мақұлданып, Сенатқа жіберілсе, 25 заңға Мемлекет басшысы қол қойды.
Нұрлан Нығматулин, ҚР Парламенті Мәжілісінің төрағасы:
«Біз қабылдаған әрбір құжат – ол ең алдымен, еліміздің экономикасын арттыруға, халықтың әлеуметтік жағдайын, соның ішінде, өнеркәсіп, денсаулық, білім салаларын жақсартуға арналып келеді. Сонымен бірге, шағын және орта бизнес, экология мәселелеріне де ерекше назар аударылды».
Мәжіліс қабырғасындағылар алдағы екі жылдың бюджетін бекітті. Бұдан бөлек жыл басында қазақстандықтарды қуантқан жаңалық зейнетақы қорындағы жиналған ақшаны алу іске қосылды. Бұл банк табалдырығын тоздырғандардың бәріне мүмкін болмады. Жеткілікті сомма бекітіліп, белгілі мақсаттарда ғана пайдалану керек деген шешімді депуттар бірауыздан қолдады.
Карантиндік шектеуге орай қашықтан жұмыс істеу жүйесіне де заң тұрғысында қаралды. Сондай-ақ онлайн жұмыс істеу енді Еңбек кодексінде заңнамалық түрде белгіленді.
Сондай-ақ биылдан бастап көлік жүргізушілеріне жүргізуші куәлігі мен техпаспортты ұмытып кеткені үшін айыппұл салынбайды. Полиция қызметкерлері азаматтардың жеке куәліктері арқылы электронды деректер базасынан құжаттарының бар-жоғын тексеретін болды.
Жыл соңында Кәсіпкерлердің салықтан жалтармауына тосқауыл жасалды. Тұтыншылардың банктен аударым жасағаны үшін белгілі мөлшерде салық алынады. Сондай-ақ, жануарларға аяушылық танытпағандар да жазаланбақ. Конституцияда өлім жазасы деген атымен жоқ. Аса ауыр қылмысқа барғандар, өмір бақи бас бостандағынан айырылады деп өзгеріс жасады.
Жерді шетелдіктерге жекеменшікке және жалға беруге тыйым салатын заң қабылданды. Тәуелсіздіктің 30 жылдығына орай рақымшылық жасалды. Жаңа жоба бойынша 2236 сотталушы, 11 753 пробацияда тұрған адам қамаудан бостандыққа шықпақ.
