ҰҚК мемлекетке опасыздық жасады деген күдікпен бір топ адамды ұстады

Мемлекетке опасыздық жасады, тыңшылық жасады және Қазақстанның мемлекеттік құпиясына қол сұқты деген күдікпен бір топ адам ұсталды. Олардың ішінде шетел азаматы да бар. Бұл туралы ұлттық қауіпсіздік комитетінің баспасөз қызметі мәлімдеді. Күдіктілерге қылмыстық кодекстің 175-інші 176-шы және 185-бабы 3-бөлігі бойынша қылмыстық істер қозғалған. Бұл істердің «Құпия» белгісі болғандықтан, өзге ақпараттар тергеу мүддесіне сай жария етілген жоқ. Еске салайық, 3 сәуір күні Ұлттық қауіпсіздік комитеті Нұр-Сұлтан қаласында Ел президентіне және бірқатар жоғары лауазымды мемлекеттік қызметкерлерге қастандық жасауды жоспарлаған шетел барлау агентін қолға түсірген еді.