Шенеуніктер «РОП Операторы» басшылығымен бірге 180 миллиард теңгені жымқырмақ болған

Экология министрлігі басшылары мен «РОП» операторлар басшының басы тағы да дауға қалды. Бұл жолы шенеуніктер бірлесіп, 180 млрд теңге ұрламақ болған. Ресми мәліметке сәйкес, лауазымды шенділер 6 қоқыс жағатын зауыт салу үшін жеке ұйымды заңсыз қаржыландыруды көздеген. Зауыттар электр энергиясын өндіреді делінген. Ал құрылысқа утилизациялық алым ретінде жиналған 180 миллиард теңгені жұмсалады деп жоспарлапты. Жымысқы әрекетке дер кезінде сыбайлас жемқорлыққа қарсы қызмет пен Бас прокуратура тосқауыл болған. Қазір экология вице-министрі мен «РОП Операторының» бұрынғы басшылары қамауда отыр. Соңғы шешімді сот қабылдайды.