Түркістан облысында Елтаңба бейнесі бар сайлау жәшігі дәретханадан табылды, деп хабарлайды ҚазАқпарат.
Әлеуметтік желіде мектеп дәретханасында тұрған сайлау жәшігінің суреті тарады. Білім нысанының Төлеби ауданында орналасқаны анықталған. Аталған жағдай бойынша Түркістан облыстық адами әлеуетті дамыту басқармасының баспасөз қызметі заңсыздыққа жол берген мектеп басшылығына сөгіс жарияланатынын хабарлады.
«Мектеп әжетханасындағы Мемлекеттік Елтаңба белгісі бар сайлау жәшігіне қатысты Төлеби аудандық адами әлеуетті дамыту бөлімі тарапынан зерделеу қорытындысымен тиісті жұмыстар атқарылып, кемшілігі үшін жалпы орта білім беретін мектеп директорына «сөгіс» түріндегі тәртіптік шара қолданылды», — делінген ақпаратта.
