Түркістанда жарнамасы жер жарып, студенттерді шақырған Туризм және меймандостық университетінен шу шықты. Бір топ ата-аналар мен студенттер оқу ордасының алдына жиылды. Айтуларынша, 2 факультетті алдын-ала ешкімге ескертпестен жауып тастамақ болған.
300-ден астам студент мұнда арман қуып, еліміздің әр түкпірінен келген. Олардың арасында Севина Уахаповада бар. 2 курс студенті оқыған факультеттері жабылады деген хабарды естігенде төбемізге жай түскендей болдық дейді. Тіпті, оны да барлығына жариялап айтпаған. Егер расымен дене шынықтыру факультеті жабылса, білім алушыларды қай оқу орны қабылдайтыны анық емес. Ол азадай «ректор сендердің дипломдарың жарамыз» деген көрінеді.
Севина Уахапова, студент:
— Біздің грантымыз күйіп кетсе, ақылы оқимыз ба? Не істерімізді білмей қалдық. Біз сіздердің жақтарыңыздамыз дейді. Алдына барсақ мазақ қылғандай, күліп жауап береді. Ата-аналар кірсе бәрін шешеміз деп айтады. Қай сөзіне сенеміз?
Туризм университеті 5 мамандық бойынша маман даярлайды. Жалпы 1 347 студент оқыса, 326-сы осы дене шынықтыру мен әскери қызметті таңдаған. 200-дей білім алушы грантта оқитын болып шықты. Енді студенттер білімін басқа оқу орнында жалғастыруы тиіс. Алайда ата-аналары бұл шешімге қарсы.
Баян Анарбаева, ата-ана:
— Біз министірлікке өз есебімізді беріп қойдық, болды деп отыр. Сендер не істесеңдер де өздерің біліңдер дейді. Ата-аналарға айтпаңдар, өйткені шу шығып кетеді деп отыр.
Райхан Төлеуова, ата-ана:
— Қызым үйде ауырып жатыр, тамақ ішпейді. Стресс боп жатыр. ата-аналарға неге алдын ала ескертпейді. Екеуіде ақылы оқу оқиды. Оны платныйға ауыстырса биыл студент қабылдамасын. Алдыңғы жылы оқуға түскен студенттерді бітіртіп, дипломдарын қолдарына беріп жарамды етсін.
Елімізде болашақ ұстаздарды даярлайтын 86 жоғары оқу орны болса, оның 36-сы оқыту құқығынан айрылған. Білім министірлігіндегілдер мұғалімдердің біліктілігін арттыру үшін осындай қадамға барып отырмыз деп түсіндірді. Олардың қатарында Президент пәрменімен ашылған осы аты дардай Халықарылық университеттің дене шынықтыру, алғашқы әскери дайындық факультеттері де бар. Бұл әңгіменің шыққанына 6 ай уақыт болыпты. Оны Университеттегілерде растап отыр. Бірақ, әлі ресми ақпарат жоқ. Сондықтан күдіктен үміт басым екенін айтады.
Қарлығаш Аралбекова, ректордың міндетін атқарушы:
— Бүкіл Қазақстандағы 50 оқу-орын педагогикалық бағытпен жұмыс істеп жатыр. Соларға осы таңдауымен, грантпен ауысады. Оны біз жұмыс тобымен қай жерге барғыларыңыз келеді, қай жерге оқығыларыңыз келеді деп өздерінен сұрап, қалаулары бойынша ауыстырамыз. Басқа университет қабылдамай қояды деген әңгіме жоқ. Олар міндетті түрде қабылдауы тиіс.
Ата-аналар білім алып жүрген студенттер орта жолда басқа университетке ауыспай, осы оқу орнын тәмәмдап шықсын деген талап қояуда.
Жандос ТАСТЕМІР
