Украин белсендісін неге қорладың? Қазақстан тумасы белгілі әзілкеш Нұрлан Сабуровтың концерті кезінде қазақстандық азамат осылай сұрақ қойғаны үшін залдан қуылды.
Концерт Нью-Йорк қаласында өткен. Стендапер сұраққа жауап бермегені белгілі болды. Бірер күн бұрын әртістің Сан-Францискодағы концерті кезінде көйлегіне қызыл бояу жағылған украин әйелі сахнаға шығып, перфоманс жасаған. Ол қызыл бояуды Украинадағы соғыс құрбандарының төгілген қаны деп түсіндірген. Күзетшілер әйелді сахнадан күштеп қуа бастады. Ал Сабуров қызыл бояу туралы «Бұл етеккір ме? Не болып жатыр?» деп орынсыз әзілдеген. Бұл сөзі үшін ол көптің сынына қалып, АҚШ-тағы концерттерінде наразылық күшейген.
