Соғысқа қарсы болғандар 15 жылға сотталады

Соғыс туралы жалған ақпарат таратқандар 15 жылға дейін сотталады. Ресей Мемлекеттік Думасы осындай заң жобасын мақұлдады. 410 депутаттың барлығы бірдей қолдап дауыс берген заң жобасы көп ұзамай, Президент Владимир путиннің алдына жолданады. Бірақ, оған қол қойылатыны ешкімнің күмәнін тудырмайды. Соған сәйкес, жақын арада заң қабылдануы мүмкін. Осыған орай, елдегі туәелсіз ақпарат құралдарына қысым көрсетіліп, көпшілігі жабыла бастады. !дождь» телеарнасы мен «Эхо Москвы» радиосының артынан «Знак» порталы да жабылғаны туралы белгілі болды. Сайт басшыларының айтуынша, олар қудалаудан шаршаған. Бір апта көлемінде, Ресейде соғысқа қарсы шыққан медиа және блогерлерге қысым көрсетіліп келе жатыр.
Вячеслав Володин – Ресей мемлекеттік думасының спикері:
«Бұл заңды мақұлдау барысында қалыс қалған немесе қарсы дауыс бергендер жоқ. Федерация кеңесі қолдаған жағдайда, Президент үстеліне барады. Қарулы күштеріміздің рухын түсіретін, оларды қаралайтын ақпарат тартқандар ертең жазаға тартылады деп күтілуде».