Көпті алаңдатқан осы сауалға Елнұр Өтебаев жауап берді. Басқарма басшысының айтуынша, алдағы уақытта облыста жалпы 80 сергек, тағы 1000 дана бейнебақылау құрылғысы орнатылады екен. Ол үшін жеке инвестор 5 млрд теңгеден астам қаражат жұмсаған.
Жалпы, жоба мемлекеттік-жекешелік әріптестік аясында жүзеге асырылады. Инвестордың қаражатын әкімдік 5 жыл 9 айда қайтарып беруді жоспарлап отыр екен. Осы мақсатта екіжақты келіссөздер жүргізілуде.
Елнұр Өтебаев, облыстық цифрландыру, мемлекеттік қызметтер көрсету және архивтер басқармасының басшысы:
«Айыппұлдың барлығы тікелей облыстық бюджетке түседі. Ал кейбірі республикалық бюджетке тікелей түседі. Мұнда 60 пайызы облыстық бюджетке 40 пайызы жеке серіктестікке түсу деген жоқ».
Айта кетсек, қазір істеп тұрған камералардың өзі соңғы 4 айда 623 млн. теңгенің айыппұлын тіркеген. Оның 227 млн. теңгесі облыстық бюджетке өндіріліпті.
