Украиналықтардың түні тыныш өтпеді. Шекарадан ондаған шақырым ішке енген Ресей әскері ел астанасы Киевке шабуыл жасады. Бұл ақпаратты елдің ішкі істер министрі растап отыр. Алайда, бағытталған бірнеше ракетаны қарулы күштер атып түсірген. Бұдан өзге, Троещина ауданында шамамен 6 жарылыс болыпты.
Бұл Украина Астанасы Киевке жасалған алғашқы шабуылдардың бірі. Түнгі 4 шамасында жіберілген ракетаны елдің қарулы күштері атып түсірген. Өкінішке орай зымыран көпқабатты үйлердің біріне құлады. Нәтижесінде баспана отқа оранған. 3 адам ауыр жарақат алыпты. Сондай-ақ Ресей Киев пен Харьков сынды ірі қалаларына қанатты зымырандармен соққы берілген. Оған мына бейнежазбалар дәлел.
Украина тарапынан 137 сарбаз бен офицер құрбан болды. Тағы 316 әскери жарақат алған. Ресейліктер Чернобль атом электр станциясын да өз қарамағына өткізген. Владимир Зеленский, Қара теңіздегі Змейный аралында болған қақтығысқа барлық жауынгер ерлікпен қаза тапқанын мәлімдеді. Сондай-ақ, қиын қыстау кезеңде жалғыз қалғандарын жасырмады.
Владимир Зеленский – Украина президенті:
«Бүгін мен 27 елдің көшбасшысынан Украина НАТО-ға кіре ме деп сұрадым. Біреуінен де нақты жауап алмадым. Ешкім бізге кепілдік берейін деп тұрған жоқ. Бірақ біз елімізді қорғауға дайынбыз. Ресеймен қауіпсіздік мәселесі жөнінде келіссөз жүргізуге қорықпаймыз. Дәл қазір біз НАТО-ға мүше емеспіз».
Қорғаныс министрлігі Ресей қарулы күштерінің шығын мәлімдеді. Соғыс салдарына 7 бірлік ұшақ, 6 бірлік тікұшақ пен 30 танкі жарамсыз күйде. Одан өзге, 800 әскери қызметкер қаза тапты
ИНФОГРАФИКА: Ресей қарулы күштерінің шығыны:
• ҰШАҚ – 7 БІРЛІК
• ТІКҰШАҚ – 6 БІРЛІК
• ТАНКІ – 30 БІРЛІК
• ББМ – 130 БІРЛІК
• ҚАЗА ТАПҚАН ӘСКЕРИ ҚЫЗМЕТКЕР – 800
Украина билігі елде қалыптасқан жағдайға байлынысты 18 бен 60 жас аралығындағы ер адамдарға шетелге шығуға тыйым салды. Сондай ақ, Зеленский Ресейді соғыс қимылдарын тоқтау туралы келіссөзге шақырды. Оның айтуынша, бұл келісім неғұрлым ерте болса, Ресей шығыны да аз болады.
