Дүниежүзілік мұралар тізімінде бірқатар өзгеріс енгізіледі. Олардың қатарына Сауран, Сығанақ, Отырар қалалары қосылады. Бұл туралы министр Ақтоты Райымқұлова баспасөз жиынында мәлімдеді.
ЮНЕСКО қарамағына алатын қалалардың талабына аталған тарихи жерлер мақұлданған. Енді ол жерлерде туристер легінің көптеп келуіне жағдай жасалады. Әлемнің түкпір-түкпірінен қонақтар келіп, Түркістан облысының киелі жерлерімен танысады. Тарихы мен туризмі қатар дамып, әлемжұртшылығына кеңінен насихатталмақ. Ол үшін бірқатар құжаттамалар әзірлденуде
Ақтоты Райымқұлова- ҚР Мәдениет және спорт министрі:
«Қазіргі уақытта Өзбекстан, Қырғызстан және Тәжікстан елдерімен бірлесіп Қазақстанның бірегей тарихи және мәдени ескерткіштерін дүниежүзілік мұралар тізіміне енгізу үшін «Ұлы Жібек жолы-Ферғана-Сырдария дәлізі» атты трансұлттық номинациясын ілгерілету бойынша номинациялық құжаттаманы дайындау жұмыстары жүріп жатыр».
