Түркістанда өзін-өзі тану пәні мұғалімдері бас көтерді. Мұның негізгі себебі 1 апта бұрын дәл осы пән негізгі сабақтар тізбесінен алынып тасталады деген ақпарат шықты. Сосын Білім және ғылым министрі Асхат Аймағамбетов мәлімдеме жасады. Алайда бұл шешімге ұстаздар наразылық білдіріп отыр. Өйткені талай жылдан бері осы пәннен сабақ беріп, напақасын тауып келген оқытушылар жұмыссыз қаламыз ба деп қауіптеніп отыр.
Бір апта бұрын еліміздің бас ұстазы Асхат Аймағамбетов «өзін – өзі тану» негізгі пәннен алынып тасталады деді. Алайда оның нақты себебін түсіндіре алмады.
Асхат Аймағамбетов – ҚР Білім және ғылым министрі:
«Келесі оқу жылдан бастап біз жоспарлап отырмыз осы пән тек қана 1 сыныпта. 1ден 11ге дейін емес, тек қана 1 сыныпта. Оның өзі оқушылардың таңдауына байланысты оқытылатын болады. ал егер таңдамаса баяғыдай 1ден 11 сыныпқа дейін міндетті пән ретінде болмайды деген шешіміміз бар».
Аймағамбетовтың айтқаны сол екен ауыл аймақтағы мұғалімдер бас көтерді. Солардың бірі Гүлмира Танабаева. Отбасының жалғыз асыраушысы болып жүрген ол бұл жаңалыққа наразы. Сонша жылғы еңбегіміз зая кетіп, жұмыссыз қаламыз ба деп қорқады.
Гүлмира Танабаева — Түркістан облысы Сайрам ауданы № 68 с. Датұлы атындағы жалпы орта мектебінің өзін-өзі тану пән мұғалімі:
«Біздер Түркістан облысының өзін-өзі тану пәнінің мұғалімдері Асхат Аймағамбетов мырзаға өз үнімізді жеткізсек деген едік. Үндеу жолдаймыз. Яғни біздер қанша жылғы ерен еңбегіміз зая кеткелі тұр. Енді қолымызға арнайы хат келмесе де, мөр басылған қағаз келмесе де әлеуметтік желіден беріліп жатқан түрлі ақпарат біздің кәдімгідей жүйкемізге тиіп отыр. 01/34 Біз жан тәнімізбен махаббатымызбен сезіне біліп, әр баланы өзімізге жақын тарта білген пәніміз, әрқайсымыз өз пәнімізді сүйіспеншілікпен атқарған пәнімізден айырылып қалу бізге үлкен ауыр соққы».
Бас ұстаздың айтуынша, әлеуметтік педагог және өзін-өзі тану мамандық иелері оқытушысы қызметін атқара береді. Яғни дипломы бойынша тәмәмдаған пәнінен сабақ бере алады. Десе де педагогтар мұны қолдамайды. Себебі кейбір мектепте тарих, әдебиет пәндерінен сабақ беретін ұстаздардың штаты бос емес.
Назира Ештаева – Түркістан облысы Сарыағаш ауданы № 18 жалпы орта мектебінің өзін-өзі тану пән мұғалімі:
«Құрметті Асхат мырза сізден сұранамыз. Біздің мұғалімдеріміздің жан айқайын тыңдап, осы өзін-өзі тану пәнін өз орнында қалдыруларыңызды сұранамыз. Себебі әлеуметтік педагог және өзін-өзі тину пәнін бітірген ұстаздар ол мектептерде әлеуметтік педагог болады деп. Ал қазір мектептерде әлеуметтік педагог 1 ғана штат. Ал бір мектепте ең кемі 2-3 пән мұғалімдері бар. Олардың жай күйі не болмақ?»
Айта кетейік, мектеп бағдарламасына өзін-өзі тану пәнін енгізу Қазақстанның бұрынғы президенті Нұрсұлтан Назарбаевтың зайыбы Сара Алпысқызының бастамасымен жүзеге асқан еді. Ал 2010 жылдың басында бұл пән еліміздің 184-білім мекемесінде оқытылды. Енді өзін-өзі танудан республика бойынша сабақ беріп келген ұстаздардың барлығы жұмысын жалғастыра бере ме? Педогогтардың жалғыз табыс көзінен айрылып қалмасына кім кепіл? Бұл сұрақтардың жауабы ашық күйінде қалып отыр.
