Шымкентте қаңтар қақтығысына қатысты деп қамалған көпбалалы ана түрмеден шықты. 6 баланың анасы Кәрима Хайдарова темір торда екі жарым ай жатқан. Содан үйіне енді ғана оралған ол тергеуде көрген қорлықтарын жайып салды.
Кәрима Хайдарова — Көпбалалы ана:
«Шырылдап, алаңдарға айтып, бізді билік естісін дегенде неужели осының бәрі өзгеріссіз қалып кетеді? Қаншама военный жігіттер өліп кетті. Олар да бір үйдің балалары»
Шеруге көпбалалы аналардың жанайқайын айтам деп шыққан Кәрима Хайдарова қаңтардың 8-күні қамалған. Содан наурыздың 15-не дейін түрмеде жатқан 6 баланың анасы үстінен қозғалған іске келіспейді. Сөзінше өзіне тағылған айып қып-қызыл жала.
Кәрима Хайдарова — Көпбалалы ана:
«Мен ешкімді шақырған жоқпын дедім. Жүріңдер деп ешкімді ерткен жоқпын дедім. Керісінше мені ертті деп едім. ДВД начальнигі де боқтап, агрессиямен ашумен сөйлеп отырды. Тергеген кезде қалай бар солай айтып бердім. Бірақ кейін демломен танысқанда мен айтқанның біреуі де жоқ. Бәрін жалған жазған»
Шымкенттік ананың 6 баласының екеуі мүгедек. Қазір оған билік өкіліне қарсы шықты, ғимаратты талқандады және митинг ұйымдастырды деген айып тағылып отыр. Ешқайда кетпеу туралы қолхатпен шыққан келіншектен бөлек қаңтар қақтығысына қатысты қаладағы уақытша ұстау абақтысында тағы бір көпбалалы ана жатыр.
