«Индиго 24» Evolution Corpоration» қаржы пирамидасын ұйымдастырушыларға қатысты қылмыстық іс сотқа жолданды. 950 томнан тұратын істе пирамиданы құруға және оны басқаруға қатысы бар деген 26 адамға айып тағылған. Олар – Алматы мен Нұр-Сұлтан, Шымкент қалалары мен Түркістан облысының тұрғындары.
Қазіргі таңда күдіктілердің бірі әлі іздестіріліп жатыр. Тергеу шараларына бес облыстың 30 тергеушісі мен 7 арнайы прокуроры қатысып, сарапшылар және аудармашылар тартылған болатын. Бір жылдан астам уақытқа созылған тергеу барысында айыпталушылардың бес өңірде тұратын екі мыңнан астам адамды алдап, миллиардтаған ақша алғаны толық дәлелденген.
Салтанат Қаракөзова, облыстық полиция департаментінің ресми өкілі:
«Жәбірленушілердің көбі Түркістан облысы, Шымкент, Нұр-Сұлтан қаласының және Маңғыстау облысының тұрғындары. Қылмыстық топ шамамен 3 млрд теңгеден астам залал келтірілген».
